Farmer Success Story : महाराष्ट्रातील अहमदनगर हा सर्वात मोठा जिल्हा, सर्वाधिक साखर कारखाने असणारा जिल्हा म्हणून ओळखला जातो. या जिल्ह्यातील शेतकरी बांधव नेहमी आपल्या नवनवीन प्रयोगाच्या माध्यमातून आपल्या चर्चेत राहतात. तर आज आपण अहमदनगर जिल्ह्यातील एका सुशिक्षित तरुणीचा शेती पूरक व्यवसाय म्हणून ओळखल्या जाणाऱ्या पशुपालन व्यवसायामधील असाच एक नवीन प्रयोग जाणून घेण्याचा प्रयत्न करणार आहे.
आपण ज्या तरुणीची आज यशोगाथा जाणून घेणार आहे तिने वयाच्या 23 व्या वर्षी म्हशीसाठी दुमजली गोठा उभा केलेला आहे. आजही ही तरुणी यशस्वीरीत्या दुग्ध व्यवसाय करत असून तिला वर्षामध्ये करोडो रुपयांची कमाई होत आहे. तर अश्या या तरुणीचे नाव श्रद्धा ढवण आहे.ती पारनेर तालुक्यामधील निघोज या गावामधे राहते.
खरं तर श्रद्धा यांनी दुमजली गोठा उभा केला म्हणून त्या आपल्या चर्चेत आल्या नसून त्यांनी डेअरी व्यवसायात ज्या पद्धतीने काबाड-कष्ट केले आहेत त्यामुळे त्या आपल्या सर्वांच्या चर्चेत आल्या आहेत. यांची घरची आर्थिक परिस्थिती खूप गरीबी होती, शिवाय वडील अपंग आणि भावंडे लहान त्यामुळे कुटुंबाच्या पालनपोषणाची सर्व जबाबदारी कमी वयात श्रद्धा यांच्या खांद्यावर पडली.
आपल्या वडिलांनी चालू केलेला दूध व्यवसाय हे श्रद्धाने कॉलेजला गेल्यापासून सांभाळला. कॉलेजला जाण्या अगोदर श्रद्धा रोज दूध घालायला जात असत. मात्र तीला हे काम करताना लाज वाटायची. श्रद्धा पिकअप चालवत चालवत दूध घालायला जात होती. परंतु ज्यावेळी लोकांनी श्राद्धाचे कौतुक केले व चांगले शब्द तिला ऐकायला मिळू लागले तेव्हापासून श्रद्धा ते हे काम अभिमानाने करू लागले.
यामुळे मोटिवेट झालेली श्रद्धा दुग्ध व्यवसायात क्रांती घडवण्याचा निर्णय घेतला होता. या अनुषंगाने श्रद्धाने कठोर मेहनत घेतली. श्रद्धाने त्यांच्या वडिलांनी सुरू केलेल्या एका म्हशीपासूनचा हा दुग्ध व्यवसाय ८० म्हशी पर्यंत नेऊन ठेवला. विशेष म्हणजे श्रद्धाने b.sc चे शिक्षण घेतकेले आहे.
एवढच नाही तर सुरुवातीला स्वतः श्रद्धा म्हशीचे दूध काढत होती आणि दूध घालायला स्वतः जात होती. सध्याच्या परिस्थितीला श्रद्धाच्या परिवाराकडे एकूण 80 म्हशी असून या म्हशीसाठी दुमजली गोठा त्यांनी बांधलेला आहे. यामुळे श्रद्धा च्या परिवाराची चांगलीचं चर्चा सध्या पाहायला मिळते. निश्चितच श्रद्धाने डेअरी व्यवसायात केलेली ही कामगिरी इतरांसाठी अतिशय प्रेरक अशी ठरणारी आहे